Naalliutsitsinernut allatigullu naakkittaatsumik, inunnut naleqqutinngitsumik imaluunniit nikassaarpasissumik iliuuseqarnernut imaluunniit pillaasarnernut NP isumaqatigiissutaat
Isumaqatigiissummi matumani oqaaseq »naalliutsitsineq« isumaqarpoq sunaluunniit iliuuseqarneq, timikkut tarnikkulluunniit sakkortuumik anniartitsinikkut imaluunniit naalliutsitsinikkut, inuup nammineq allalluunniit iliuuserisimasaanik imaluunniit iliuuserisimasaatut pasitsaassaqarnermi paasissutissanik pissarsinissaq imaluunniit tassanngaanniit allamiilluunniit nassuertitsinissaq siunertaralugu, imaluunniit taanna allaluunniit sioorasaarniarlugu imaluunniit pinngitsaaliniarlugu, imaluunniit arlaatigut peqquteqarluni assigiinngisitsinermik tunngaveqarluni piaaraluni inummut tutsinneqartoq, atorfimmini sulisuunini naapertorlugu imaluunniit taamatut inuup akuersineratigut imaluunniit pisortani atorfeqartumit inummiilluunniit allamit imaluunniit taassuma peqqusineratigut taamatut anniartitsisoqarpat imaluunniit naalliutsitsisoqarpat. Anniarneq imaluunniit naalliunneq, inatsisitigut akuerisaasumik pineqaatissiinerup nalinginnaasumik imaluunniit nalaatsortumik taamaallaat malitsigisaa ilaatinneqanngilaq.
- Isumaqatigiissummi matumani naalagaaffik peqataasoq kinaluunniit oqartussaaffigisamini nunami sumiluunniit naalliutsitsilluni iliuuseqarnerit pinngitsoortinnissaannut sunniuteqartunik inatsisitigut, allaffissornikkut, inatsisilerinikkut allatigulluunniit aaqqiinernik aalajangiissaaq.
- Immikkut arlaatigut pisoq sunaluunniit, sorsuttoqarnera imaluunniit sorsuttoqalernissaanik siorasaarineq, naalagaaffiup iluani politikkikkut patajaattoqannginnera imaluunniit arlaatigut inunni navianartorsiorneq naalliutsitsinerup pitsaanerulersinnissaanut patsisigineqarsinnaanngillat.
- Qullersamiit imaluunniit pisortani oqartussaniit naalakkiut naalliutsitsinerup pitsaanerulersinnissaanut patsisigineqarsinnaanngilaq.
Isumaqatigiissut tamakkerlugu uani atuaruk:
Nalunaarutit 2004, Serie A, s. 1.
