Inuit Pisinnaatitaaffii pillugit Siunnersuisoqatigiit nittartagaanut tikilluarit


Nunatsinni Inuit Pisinnaatitaaffii pillugit Siunnersuisoqatigiinni ilaasortassanik nutaanik innersuusseqqusineq


Inatsisartut 2023-mi ukiaanerani ataatsimiilerpata Inuit Pisinnaatitaaffii pillugit Siunnersuisoqatigiinnut ilaasortassanik nutaanik tallimanik, innersuussatut nalunaarsimasut naapertorlugit toqqaasoqartussanngorpoq.
Taamaammat suliniaqatigiiffiit, peqatigiiffiit, sullissiviit il.il. Siunnersuisoqatigiinnut ilaasortassanik innersuussinissaminnut maanna kaammattorneqarput.

Suliniaqatigiiffiit, peqatigiiffiit, sullissiviit il. il. innersuussinnaavaat:

  1. Siunnersuisoqatigiinni inuit pisinnaatitaaffiinik pineqartunik siuarsaanissamut piukkunnarnerpaatut naliliivigineqartut.
  2. Inuit marluk sinnernagit.
  3. Ajornanngippat arnaq angullu

2023-imi immikkoortunit ukunannga innersuussisoqassaaq:

  1. Inuit pisinnaatitaaffiinut tunngatillugu soqutigisat (atituut)
  2. Nunap inoqqaavisa pisinnaatitaaffiinut tunngatillugu suliniaqatigiiffiit pisortanut attuumassuteqanngitsut
  3. Inunnut innarluutilinnut tunngatillugu suliniaqatigiiffiit pisortanut attuumassuteqanngitsut
  4. Eqqartuussiveqarnermut inatsisitigullu illersugaanermut tunngasunut sinniisut
  5. Meeqqat inuusuttullu tunngatillugit suliniaqatigiiffiit pisortanut attuumassuteqanngitsut

Ilaasortassatut innersuussat innersuussinermullu tunngavilersuut naatsoq kiisalu CV-at Siunnersuisoqatigiit allatseqarfiannut emailikkut: allatsi@humanrights.gl nassiunneqassaaq.   

Tamanna pissaaq kingusinnerpaamik: Maajip 30-iat 2023

Ilaasortat inuttut piginnaasaat ilisimasaalluunniit inuit pisinnaatitaaffiinut naapertuuttut tunngavigalugit toqqarneqartarput.

Innersuussinissamut ilitsersuut ammaruk una toorlugu: Link


Inuit pisinnaatitaaffii pillugit

Inuit pisinnaatitaaffii politikkikkut akuerineqarnikuupput sorsunnersuup aappaani pisut amiilaarnartut kingorna. Nunat arlallit isumaqatigiissutigaat inunnut tamanut atuuttussanik tunngaviusumik pisinnaatitaaffinnik qulakkeerisoqassasoq. Pappiaqqamut allanneqarsimapput: Naalagaaffit Peqatigiit inuit pisinnaatitaaffii pillugit Nunarsuarmioqatigiinnut nalunaarutaa. Pappiaqqat tassaapput Nunarsuarmi inuit kiffaanngissuseqarlutik naligiillutillu inunngorsimanerannik takorluugaqarnermik tunngaveqartut.

Naalagaaffiit Peqatigiit isumaqatigiissutinik qulingiluanik nunarsuarmioqatigiit isumaqatigiissutaannik sukumiinerusumik allassimasunik akuersisimapput.
Isumaqatigiissutimmi tassaapput Nunani tamalaani inatsisit.
Nunalu isumaqatigiissummut peqataaleruni – isumaqatigiissullu akueralugu – isumaqatigiissut atuutsinniarlugu angertarput. Kisianni Kalaallit Nunaanni illit pisinnaatitaaffitit illersorneqartussaapput nunatsinni inatsisit aallaavigalugit. Naalagaafiup pisinnaatitaaffivit ataqqinissai, illersornissai siuarsarnissaallu pisinnaatitaaffigaatit.

Uani Inuit Pisinnaatitaaffii pillugit Nunarsuarmioqatigiinnut nalunaarut atuaruk


 
 


Arnat pisinnaatitaaffii

Arnat pisinnaatitaaffii pillugit isumaqatigiissut (CEDAW) nunat tamalaat akornanni isumaqatigiissutaavoq arnat politikkikkut, aningaasaqarnikkut, inuttut atukkatigut, piorsarsimassutsikkut, inuinnartut allatigullu naligiissitaanissaat pillugu pisinnaatitaaffinnik arlalinnik allassimasulik.

CEDAW ( Convention on the Elimination of all forms of Discrimination Against Women) – arnanik sutigulluunniit assigiinngisitsinerup atorunnaarsinneqarnissaanut isumaqatigiissut.

Arnanut isumaqatigiissut pingasunik tunngaveqarpoq:
1) Annertuumik naligiissitaaneq
2) Assigiinngisitsinnginnissaq
3) Naalagaaffiup pisussaaffii

Arnat pisinnaatitaaffii naligiissitaanerlu pillugit annertunerusunik paasisaqarusukkuit ataani allakkiat paasissasarsiorfigisinnaavatit.

ARNAT PISINNAATITAAFFII PILLUGIT ISUMAQATIGIISSUT ATUARUMINARSAGAQ

Arnanut assigiinngisitsinernik qanorluunniit ittunik atorunnaarsitsiniarneq pillugu Isumaqatigiissut

Kalaallit Nunaanni akuersissuteqarnissamut inatsisip kinguaassiutitigut pinngitsaaliineq pillugu suliani inuit pisinnaatitaaffii nukittorsassavai


Ineqarnissamut pisinnaatitaaffeqarneq



Naapertuuttumik inerqarsinnaatitaanerit nalunngiliuk?
Ineqarsinnaatitaaneq tassaavoq aningaasaqarnikkut inuttullu atukkatigut pisinnaatitaaffik ilaatigut Naalagaaffiit Peqatigiit aningaasaqarnikkut, inuttut atukkatigut piorsarsimassutsikkullu pisinnaatitaaffiit pillugit isumaqatigiissutaannit qulakkeerneqartoq.

Inuit aningaasaqarnikkut, inuttut atukkatigut piorsarsimassutsikkullu pisinnaatitaaffii tassaanerupput pisinnaatitaaffiit politikkikkut inatsisiliornikkullu anguniagassat. Tamanna immikkoortuni ataasiakkaani pitsanngorsaajuarnissamik naalagaaffinnut pisussaaffiliivoq.

Killiffissiuilluni nalunaarusiami matumani nunatsinni ineqarsinnaatitaaneq pillugu annertunerusunik paasisaqarsinnaavutit.

Ineqarnernissamut pisinnaatitaaffik