Kalaallit nunaanni eqqakkat naammattumik isumagineqannginnerat innuttaasut peqqissusaannut aarlerinaateqarpoq
Eqqagassanik ulorianartunik naammattumik isumaginninnginneq inuit pisinnaatitaaffiinik innarliinerusinnaavoq.
Eqqaavissuit
Eqqaavissuarniit mingutitsineq Kalaallit Nunaanni eqqagassalerinerup akisussaaffittut tiguneqareernerani ajornartorsiutaavoq.
Nalinginnaasumik kommunit eqqagassalerinermik isumaginnittupput. Nuna tamakkerlugu eqqagassalerinermut tunngatillugu paasisutissanik aaqqisuussamik katersisoqanngilaq. Taamaammat ass. eqqagassat annertussusaannut, suunerannut, akuutissallu toqunartullit annertussusaannutpingaartumik dioxin-imut tunngatillugu ineriartorneq malinnaaffigiuminaappoq.
Iliuuserilikkallu maleruagassallu nutaat naammattumik sunniuteqarnerat.
Sakkutooqarfiup camp centuryp salinneqarnera pillugu ilisimatitsissut
USA-p Kalaallit Nunaanni sakkutooqarnikkut sammisaasa kingunerisaanik, sakkutooqarfiit qimaannakkanik kiisalu eqqakkanik ulorianartunik, ilaatigut atortussanik qinngornernik ulorianartunik peqqissutsimut akornutaasinnaasunik akulinnik, kiisalu toqunartunik avatangiisinut ulorianartunik soorlu Poly-Chlorerede Biphenylinik (PCB) qimaannakkanik arlalinnik peqarpoq. Tamakku salinneqarnissaat Kalaallit Nunaannit ukiorpassuarni kissaataasimavoq.
Innersuussutit
Inuttut pisinnaatitaaffinnut Instituttip Kalaallit Nunaannilu Inuit Pisinnaatitaaffii pillugit Siunnersuisoqatigiit innersuussutigaat:
• Naalakkersuisut kommunit peqatigalugit, eqqaavinnik, eqqakkanut katersivittut nakkutigisatut akuerineqarsinnaasunik pilersitsissapput, akuutissanillu toqunartunik aniasoqarsinnaajunnaarlugu
eqqakkat katersorneqarnissaannik isumagineqarnissaannillu qulakkeerissallutik.
• Avatangiisinik mingutitsinissaq kalaallillu innuttaasut peqqissusaannik navianartorsiortitsinissaq pitsaaliniarlugu, Kalaallit Nunaata Danmarkillu sakkutooqarfiusimasumik Camp Centurymi saliinissamut piiaanissamullu tamanut takusassiamik pilersaarusiornissaat.
