Ukiut qulinik nalliuttorsiorneq nittartagarlu nutaaq saqqummiunnera
Ukioq manna Inuit Pisinnaatitaaffii pillugit Siunnersuisoqatigiit (IPS) pilersinneqarmalli ukiunik qulinngorput, taamaammat IPS tamanut ammasumik nalliuttorsiortitsinermut qaaqqusipput.
Neriuppugugut persuarsioqatigerusussagitsigut! Nittartagassarput nutaaq aamma saqqummiunneqassaaq.
Pisussat tulleriiaarneri:
1. Siulittaasoq Qivioq Løvstrøm-miik Inuit Pisinnaatitaaffii pillugit Siunnersuisoqatigiit Allatseqarfianniillu tikilluaqqusissut.
2. Ukiut qulit nalliuttorsiornerani Siulittaasoq Qivioq Løvstrøm-miik oqalugiarneq.
3. Naalakkersuisoq Mimi Karlsen-miik oqalugiarneq.
4. Erinarsoqatigiinneq/erinarsortoqarneq.
5. Nittartakkap nutaap Allatseqarfimmiik saqqummiunnera.
6.Erinarsoqatigiinneq/erinarsortoqarneq.
7. Kaffisortitsineq oqaloqatigiinnerlu.
Kaffi/the-qassaaq, kaaginillu naatitanillu tamulugaqassalluni.
Toqqaannartumik nutserisoqassaaq.