Aningaasarsiornikkut, Inooqatigiinnikkut Kulturikkullu Pisinnaatitaaffiit pillugit NP-t Isumaqatigiissutaat
Inuiaat tamarmik nammineq aalajangiisinnaassuseqarput. Taanna pissutigalugu politikkikkut inississimaffigisassaminnik killilersugaanatik aalajangiisinnaallutik aamma aningaasaqarnikkut, inooqataanikkut kulturikkullu ineriartortitsinissamut namminneq killilersugaanatik isumaginnissinnaasut.
Illugiilluni iluaquteqarnissaq pillugu tunngavik aamma naalagaaffiit akornanni pisinnaatitaaffiit tunngavigalugit nunani tamalaani aningaasaqarnikkut suleqatigiinnermeersuni pisussaaffinni taamaaliornikkut akuliuttoqanngikkaluartoq pinngortitameersunik pisuussutiminnik isumalluutiminnillu killilersorneqarnatik nammineq siunertaminnut inuiaat tamarmik aalajangiisinnaapput. Inuiaat aniguinissamut periarfissaminnik arsaarneqanngisaannassapput.
Isumaqatigiissummi matumani naalagaaffiit peqataasut, tassunga ilanngullugit soorlu namminersortuunngitsunik nunanik aqutsinermut akisussaasut imaluunniit nunat nakkutilliiffigineqartut, nammineq aalajangiisinnaanermut pisinnaatitaaffiup naammassineqarneranut peqataassapput aamma Naalagaaffiit Peqatigiit isumaqatigiissutaanni aalajangersakkat naapertorlugit pisinnaatitaaffik taanna ataqqissallugu.
Isumaqatigiissummi matumani naalagaaffik peqataasoq kinaluunniit kisimiilluni kiisalu nunani tamalaani pisussaavoq sapinngisamik annertunerpaamik sakkullu tamaasa tulluartut atorlugit ikiuutissalluni nunanilu tamalaani suleqatiginnissalluni, pingaartumik aningaasaqarnikkut atortutigullu, tassunga ilanngullugit pingaartumik inatsisitigut aaqqiinikkut isumaqatigiissummi matumani akuerineqartut pisinnaatitaaffiit siumukarfiusumik tamakkiisumik piviusunngortinnissaat siunertaralugu qanoq iliornissamut piareersaateqarluni.
Isumaqatigiissummi matumani naalagaaffiit peqataasut ammip qalipaataa, suiaassuseq, oqaatsit, politikki kkut allatigulluunniit isumaqarneq, nunami inuuniarnikkullu nagguiit, pisuussutinut tunngasut, inunngorneq allatullu inissisimaneq sunaluunniit eqqarsaatigalugu assigiinngitsuliorfigineqarnani isumaqatigiissummi matumani pisinnaatitaaffiit allanneqartut na ammassineqarnissaannut qulakkeerinissamut pisussaaffeqarput.
Nunat siuarsarniakkat, inuit pisinnaatitaaffii taakkunanilu inuiaqatigiit aningaasaqarnerat pissusissamisoortumik eqqarsaatigalugit, nunanut allamiunut naleqqiullugu isumaqatigiissummi matumani allanneqartut aningaasaqarnikkut pisinnaatitaaffiit qanoq annertutigisumik qulakkiissallugit nammineq aalajangissavaat.
Aningaasarsiornikkut, Inooqatigiinnikkut Kulturikkullu Pisinnaatitaaffiit pillugit NP-t Isumaqatigiissutaat uani atuaruk:
