Siunnersuisooqatigiit nutaat

Siunnersuisooqatigiit nutaat

Inuit Pisinnaatitaaffii pillugit Siunnersuisoqatigiit pillugit inatsit nutaaq januarip aallaqqaataani 2019-mi atuutilerpoq. Inatsisitaaq malillugu siunnersuisoqatigiit nalilersorneqarneranni inassuteqaatit kinguneqartinneqarput, ilaatigut siunnersuisooqatigiit nammineq aaliangiisinnaassuseqarnerulissasut Naalakkersuisunut pituttorsimanerat annikillilluni, naalakkersuisunit inuttaliisoqarani Inatsisartut siunnersuisoqatigiinnut ilaasortassanik, inuiaqatigiinnit inuttassatut innersuunneqartut tunngavigalugit toqqartalerpaat. Inatsisitaaq tunngavigalugu siunnersuisoqatigiit allattoqarfia Namminersorlutik Oqartussani Naalakkersuisoqarfimmit aqunneqarunnaarluni namminersulerpoq.

Inuit Pisinnaatitaaffii pillugit Siunnersuisoqatigiit ilaasortartartaavi tallimanngornermi 29. november 2019 ivertinneqarput. Sara Olsvig siulittaasunngorpoq, Anders Meilvang siulittaasup tullinngorluni, marluullutik tamanit qinerneqarlutik.

Siunnersuisoqatigiit 13-nik ilaasortaqalerput. Qulit Inatsisartunit toqqarneqarput, kiisalu Meeqqat Illersuisuat, Inuit Innarluutillit illersuisuat Naligisitaanissamullu Siunnersuisoqatigiit siulittaasuat ilaasortaajuartuullutikt.

Ilaasortat tamakkerlutik ukuulerput:

Sara Olsvig, siulittaasoq

Anders Meilvang siulittaasup tullia

Nike Berthelsen, Landsforeningen Autisme Kalaallit Nunaat

Lise Mørup Dalgaard, Nunatsinni Advokatit

Annemette Nyborg Lauridsen, Ilisimatusarfik

Sofie Lennert, Kattuffik Utoqqaat Nipaat

Henrik Sandgreen, KNAPK

Hans Reimer, KNIPK

Ludvig Larsen, SIK

Aviâja Egede Lynge, Meeqqat Illersuisuat

Christina Johnsen, Inuit Innarluutillit Illersuisuat

Kathrine Bødker, Naligiissitaanissamut Siunnersuisoqatigiit siulittaasuat

Sara Olsvig, Inuit Pisinnaatitaaffii pillugit Siunnersuisoqatigiinni siulittaasutut ivertinneqaqqammersoq, oqarpoq:

”Inatsisip nutaap pingaarutilittut qulakkeerpaa Kalaallit Nunaanni Inuit Pisinnaatitaaffii pillugit Siunnersuisoqatigiit pituttorsimannginnerullutik inissinnerat. Uagullu siunnersuisoqatigiinni ivertinneqartugut, nukittuumik aalaakkaasumillu allattoqarfeqalernissarput qulakkeerniartussanngorparput, taamaalilluta siunnersuisoqatigiit inuiaqatigiinni inuit pisinnaatitaaffiinut tunngasuni peqataanerulerniassammmata.  Siunnersuisoqatigiit attaviinnerulernerisa Kalaallit Nunaanni inuit pisinnaatitaaffii pillugit  allaffeqarfittaarnissaq instituttitaarnissarluunniit qaninnerulersippaa”

”Ukiuni aggersuni anguniagarissavarput annertusisamik ilusilersorluagaanerusumillu Kalaallit Nunaanni ingerlatsiviit siunnersuisooqatigiillu inuit pisinnaatitaaffiinut attuumassuteqartunik suleqateqarnerunissarput, soorlu Meeqqat Illersusoqarfiat Inuillu Innarluutillit Illersuisoqarfiat, Kalaallit Nunatsinni inuit pisinnaatitaaffiinik suliniuteqarnerput nukittunerpaanngortikkusullu.”

”Siunnersuisoqatigiit siammasissumik inuit pisinnaatitaaffiinik siuarsaassallutik illersuissallutillu piginnaatitaapput, siunnersuineq ilitsersuinerlu ilanngullugit. Ukiumi nutaassami siunnersuisoqatigiit ataatsiminnissatsinnut qilanaarpunga. Ukiuni tulliuttuni sulinissatsinnut pingaarnersiuinermi, siullertut suliassatta pilersaarusiorneri suliarissavagut, aaliangigassaraarpullu sorpiaat immikkut siunnerfeqarluta sulissutigissanerlugit. Peqatigitillugulu Danmarkimi Inuit Pisinnaatitaaffiit pillugit Instituttisuleqatigilluarneqarneri piorsaavigeqqissavarput, institutti suli pisortatigoortumik Kalaallit Nunaannutinuit pisinnaatitaaffiinut institutiummat”.

”Qularutissaanngitsumik suliassarpassuaqarpugut. Nalunngisatsitut kalaallit meerartaat inuttut pisinnaatitaaffimminnik ilisimasakippallaarput kiisalu inuit pisinnaatitaaffiinik sakkussat pingaarutillit soorlu FN-ip isumaqatigiissutai Kalaallit Nunaannut atuuttut, innarluutillit pillugit isumaqatgiissut Kiisalu Nunat inoqqaavisa pisinnaatitaaffii pillugit Naalagaaffiit Peqatigiit nalunaarutaat ukkatarineqarnerunissaat nakkutigineqarnerulernissaallu sulissutigissavarput, malinneqarnerulernissaat qulakkeerniarlugu. Siunnersuisoqatigiit ivertinneqartugut pingaarutilinnik suliassarpassuaqarpugut. Attaviinnerusumik inissisimaneq nutaaq inuiaqatigiinni suliniuteqarnerunissamik ersarinnerunissamillu akisussaaffimmik nutaamik malitseqarpoq”.

PAASISSUTISSAT:

Inatsit nutaaq Inuit Pisinnaatitaaffii pillugit Siunnersuisoqatigiivinut atuuttussatut Inatsisartunit aalaangiunneqarpoq novemberip ulluisa 27-ni 2018 atuutilersinneqarporlu januarip ulluisa siullianni 2019.

Siunnersuisoqatigiinni nutaani ilaasortanngortugut ataatsimeerngaarput novemberip ulluisa 29-ni tassanilu ivertinneqarput: siulittaasoq, siulittaasup tullia kiisalu ulluinnarni aqutsisuusussat.

Ataavartumik ilaasortaq Aviâja Egede Lynge Meeqqat illersuisuat – MIO
Ataavartumik ilaasortaq Christina Johnsen Inuit innarluutillit illersuisuat – Tilioq
Ataavartumik ilaasortaq Kathrine Bødker Naligiissitaanermut siunnersuisoqatigiit siulittaasuat
1 Meeqqanut inuusuttunullu tunngasut Nike Berthelsen Foreningen Grønlandske børn
2 Innarluutillit pillugit Arnajaaq Lynge Landsforeningen Autisme Kalaallit Nunaat
3 Eqqartuussiveqarneq inatsisitigullu illersugaaneq Lise Mørup Dalgaard Grønlandske Advokater
4 Ilinniartitaaneq ilisimatusarnerlu Annemette Nyborg Lauridsen Ilisimatusarfik
5 Nunap inoqqaavisa pisinnaatitaaffii Sara Olsvig ICC
6 Inuit Pisinnaatitaaffinut tunngasut Anders Meilvang Transparency Greenland
7 Inuit Pisinnaatitaaffinut tunngasut Sofie Lennert Kattuffik utoqqaat nipaat
8 Inuit pisinnaatitaaffiinut tunngasut Henrik Sandgreen KNAPK
9 Inuit Pisinnaatitaaffiinut tunngasut Hans Reimer KNIPK
10 Inuit pisinnaatitaaffiinut tunngasut Ludvig Larsen SIK

Inatsit malillugu Meeqqat Illersuisuat, Inuit Innarluutillit Illersuisuat kiisalu Naligiissitaanissamut Siunnersuisoqatigiinni siulittaasoq ataavartumik ilaasortaapput.

Ilaasortassatut toqqarneqartunit quliusunit tallimat inuiaqatigiinni soqutigisaqaqatigiiffiineersut Inatsisartunit toqqarneqarput, sinneri tallimat inuit pisinnaatitaaffiinik arlaatigut soqutigisaqartutut toqqarneqarput.

Ilaasortanik inissitsisterilluni ataatsimiinnermi ima inissipput

Sara Olsvig ilaasortat tamakkerlutik Siunnersuisoqatigiinni siulittaasutut toqqarpaat

Anders Meilvang ilaasortat tamakkerlutik siulittaasup tulliatut toqqarpaat

Nike Berthelsen ulluinnarni aqutsisunut ilannguppoq

Inuit Pisinnaatitaaffii pillugit Siunnersuisoqatigiit