Qanoq suleriaaseqarpugut?

Inuit Pisinnaatitaaffii pillugit Kalaallit Nunaata Siunnersuisoqatigiivi

Inuit Pisinnaatitaaffii pillugit Kalaallit Nunaata Siunnersuisoqatigiivisa Kalaallit Nunaanni inuit pisinnataaffii aamma inuit pisinnataaffiini pissutsit siuarsarniarlugit paasissutissiissutiginiarlugillu sulivoq.

Siunnersuisoqatigiit ukiumut marloriarlutik ataatsimiinnerminni suut immikkut sammineqassanersut aalajangertarpaat.

Siunnersuisoqatigiit inuit pisinnaataaffiinik imatut suliaqartarput:

  • Inuit pisinnataaffii pillugit FN-imi isumaqatigiissutip akuerinissaanut Inatsisartut kajumissaarlugit
  • Kalaallit Nunaata isumaqatigiissutit akuerinikuusamik Kalaallit Nunaat malinninnissoq nalilersortarlugu
  • Kalaallit Nunaanni pissutsinik nalunaarusiortarlutik
  • Inatsisiliornerni arlalissuarni tusarniaaffigineqartarlutik

Siunnersuisoqatigiit sulinerminni uku pingaartutut tamassuma saniatigut isigaat:

  • Innuttaasut pisinnaatiffiinik qaammarsartarlugit
  • Pisinnaatitaaffiit malinneqarnissaat qulakkeerniarlugu peqatigiiffiit atuuttut tapersersortarlugit
  • Immikkoortut Kalaallit Nunaata inuit pisinnaatiffiinik malinniffiginngisaat pillugit politikkikkut sammisaqartitsisarlutik

Suleqatit

Inuit Pisinnaatitaaffii pillugit Kalaallit Nunaata Siunnersuisoqatigiivisa Danske Institut for Menneske Rettigheder (IMR) suleqatigisarpaat aammalu Kalaallit Nunaanni inuit pisinnaatitaaffii sammineqalersinniarlugit Naalakkersuisut, kommunit, pisortat sulisoqarfii innuttaasullu kattuffii allat suleqatigisarlugit.

Inuit Pisinnaatitaaffii pillugit Kalaallit Nunaata Siunnersuisoqatigiivi aammattaaq Kalaallit Nunaanni inuit pisinnaatitaaffii annertusarniarlugit tapersersornillugillu nunat tamat akornanni attaveqarfiusartunut ilaapput.

Sullineq pisinnaatitaaffinnik tunngaveqarpoq aammalu Danmarkip aamma Kalaallit Nunaata inuit pisinnaatitaaffii pillugit pisussaaffii aallaaviusarlutik.

KNAPK-mit tulleriiaarlugit ilanngussamut oqaasertaliussaq

Aalisartut, piniartut, pinngortitamillu naggorissarneqanngitsumik atuisartut inuussutissarsiortutut kiffaanngissuseqartuusut aamma nunap inoqqaaviusut, ataatsimoorlutik aamma inuttut ataasiakkaatut, inuttut pisinnaatitaaffinnut tamanut pisinnaatitaaffeqarput aamma  tunngaviusumik kiffaanngissuseqarsinnaatitaanermut Naalagaaffinni Peqatigiinni akuerisaalluni isumaqatigiissutaasumut, Inuit pisinnaatitaaffiinut Nunarsuarmioqatigiit nalunaarusiaannut aamma nunarsuatsinni tamarmi inuttut pisinnaatitaaffiit pillugit inatsisiliani atuisinnaanissaminnut pisinnaatitaaffeqarput:

– Nunatsinni pinngortitarsuaq allanngoriartorpoq, ukiunilu kingullerni imaani umiarsuartigut angallanneq annertuumik annertusisimalluni.

– Aatsitassarsiorneq, uuliasiorneq aamma takornariaqarneq isumaqarput aalisartarfiit piniariartarfiillu annersuisiartuinnartumik kalluarneqalernerannik.

–  Issittumi ineriartornerup aalisarnermik piniarnermillu inuussutissarsiuteqarneq tatigaluttuinnarpaa.

KNAPK-mut pingaaruteqartuuvoq, siunnersuisoqatigiinni ukunani sulinermi aamma Naalagaaffiit Peqatigiit Nunat Inoqqaavisa pisinnaatitaaffiinut aalajangersagaat, 2007-mi atuutsinneqalersoq, aamma ILO-p aalajangersagaa 169, Danmarkimi Kalaallit Nunaannilu 1996-mi atuutsinneqalersoq, aallaavigalugit sulinissaq.