JOB

JOB

ILINNIARTUMIK SULISUSSARSIORNEQ

Nunatsinni Inuit Pisinnaatitaaffii pillugit Siunnersuisoqatigiit allatseqarfimmi ilinniartumik suleqatissarsiorput.

Inuit Pisinnaatitaaffiisa nunatsinni nakkutigineqarnerat ilisimasaqarfiginerulerusuppiuk, suleriaatsillu paasisaqarfiginerorusullugit? Kalaallisut danskisullu attaveqatigiinneq piginnaaneqarfigilluarpiuk? Tusarniaanerni akissusiornerni nunatsinnilu inuit pisinnaatitaaffiinut tunngatillugu nalunaarusiornerni peqataanissamut periarfissaqarusuppit? Taamaappat atorfimmut qinnuteqarit.

Inuit Pisinnaatitaaffii pillugit Siunnersuisoqatigiit inatsisitigut 2013-imi pilersinneqarput, maannalu attaviitsumik inissisimallutillu allatseqarfeqarlutik. Siunnersuisoqatigiit sulinerat inuit pisinnaatitaaffii pillugit instituttit sulinissaannut Naalagaaffiit Peqatigiit Parisimit aalajangersagaannut tunngavilersorneqarpoq.

Ilinniakkamut naapertuuttumik ikiortitut suliassat ilaatigut tassaasarsinnaapput:

  
-  Nittartakkamik aaqqissuussineq
-  Ulluinnarni suliassanut ikiuuttarneq

- suleqatigiissitani ataatsimiinnernit imaqarniliorneq assigissaannillu suliaqarneq

- Siunnersuisoqatigiit ataatsimiinnerini ikiortitut suliassat

- Kinaassutsit/piginnaasatit apeqqutaallutik tusarniaanerni akissusiornernut inuillu pisinnaatitaaffii pillugit nalunaarusiornernut peqataanissamut periarfissaqassaatittaaq

Pissarsiariniagarput:

-  Ilinniartoq inuit pisinnaatitaaffii pillugit soqutiginnittoq
-  Namminersorluni sulisinnaasoq
-  Nittartagalerinermut qarasaasiakkullu attaveqatigiiffinnut misilittagaqartoq

 -  Oqaatsinik arlalinnik atuisinnaasoq (minnerpaamik kalaallisut oqaatsillu allat ataatsit arlariilluunniit)

Ilinniakkamut naapertuuttumik ikiortitut suliffik sap. ak. nal. akunnerini aalajangerimanngitsuni pisariaqartitsinermili suliffiussaaq.


Qinnuteqarfissaq kingulleq: 01. juuli. 2022 uunga: allatsi@humanrights.gl

Suliffik Nuummiippoq isumaqatigiissuteqarnikkullu aallartinnissat kissaataavoq.


Soqutiginnikkuit apeqqutissaqaruillu Inuit Pisinnaatitaaffii pillugit Siunnersuisoqatigiinni allatseqarfik attavigisinnaavat: allatsi@humanrights.gl / +299 229500